घरात चुलत्यांची कुस्ती पाहून आबा लहानपणापासून कुस्ती खेळू लागले. कुस्ती क्षेत्रातील भिष्मार्चाय म्हणून ओळखले जाणारे आबा आसपासच्या गावामध्ये कुस्त्या खेळू लागले. गणपतरावांची कुस्ती पाहून त्यांच्या जवळच्या पाहुण्यांनी त्यांना कोल्हापुरच्या मोतिबाग तालमीत ठेवण्याचा त्यांच्या घरच्यांना आग्रह केला. 1950 सालापासून पै.बाबू बिरे या वस्तादाकडून आबांनी तालमीचे धडे शिकून घेतले. दिवस रात्र लाल मातीची सेवा करून आबा कुस्तीमध्ये तरबेज झाले. पुढे कोल्हापूर, सांगली, सातारा या भागात त्यांच्या कुस्त्या पाहण्यासारख्या होऊ लागल्या. 1960 साली वयाच्या अवघ्या 25 व्या वर्षी हिंद केसरी किताब मिळविला. मुख्यमंत्री यशवंतराव चव्हाण यांच्या हस्ते गदा देवून त्यांचा गौरव करण्यात आला. तेव्हापासून गणपतरावांची कुस्ती आणि त्यांचे नाव अख्या देशभर घुमायं लागले. पण अजून त्यांची कुस्तीची भूक संपली न्हवती. आपली कुस्ती देशाच्या उपयोगी पडावी असे त्यांना वाटत असे. आणि लवकरच त्यांना ती ही